Brum brum toiseltapuolelta

Viihyn aika hyvin Pellossa, ainakiko aurinko paistaa ja mie kävelen, bondi-paska haisee toiseltapuolelta väylää, hevoset haassa kiiltää, turistitrafiikki on aivan kauhea, ja yhtäikkiä vielä pitkä junaki mennee minun olkapään yli pellolla ennen mettän rajjaa. Joo, mie käväsin vähäsen motioneeraamassa ko tulin töistä, ja kuulin että Markku on vielä tulossa.

Spänstasin, ja pyöritin höftiä, että se aattelis että “wow, mikä nainen mulla oon” ko se ajais ohi, mutta nyt kävi niin että mie kävelin vissiin niin nopsasti että kerkisin takasikki ennenko Sisu perruutti pihhaan. Aivan, kerkisin lykätä lumetkin, mutta… en hoksanut ollenkhaan edes ajatella että miehellähän on nälkäkö se tullee toistä! Voi voi, eihän minusta milhään tullut semmosta wow-wow nainsta… hm.

Naiset, ne on monet jotka ajja gruuva-biiliä, ja eilen mie aattelin että se varhmaan oli killti nainen joka niin halusi päästä minut ohi, että slääpin takarengas melkhein skäärasi lumihankheen, 90 tonnia päällä. Ei miehet pruukaa semmosta tehä, ne ajja keskellä tietä. Onneksi ei käynyt mitenkhään, ja kuski ei varhmaan huomanutkaan sitä, koska se oli lastibiilin slääppi joka oikasi kurvissa.

Sitten mie hunteeraan lissää, että miksi Cliffton ajjaa ainako pendlingstrafiikki on niinku suuhriin? Tulevat vasthaan, ja joutuu perhään, aina aamusin ja iltapäivällä, mutta ei muuten… Joo, niin mie luulen, että se on siksi että kaikki näkis ett gruuva todella on käynissä… ja että sitä kertoo muillekki sitten.

Ja vielä yks asia niistä fiinistä vihreistä biilistä, minkä huomasinki nyt aamulla Käymäjärven mukan P:ssä – että on niissä vain vasemalla se kuskan porras ylös… Hm, hm, oliskhaan se siksi ko runkopittuuelle piti sopia niin monta axelia?

http://www.cliffton.se/sv/Nyheter/Monstren-pa-plats/

“Tavallinen auto”, Markku ja Antti meinaa, niin siksi mie hääjyn sitten sanoa että “Scania-missi”.

http://newsroom.scania.com/en-group/2012/12/17/efficient-outbound-ore-haulage-with-new-scania-rigs/

Budskap… det här förstår jag

http://www.youtube.com/watch?v=TkwgVCdRMUs

men inte det här!

http://www.youtube.com/watch?v=IWfLo-a3WIk

Det första är ett fördröjt svar på det här:

http://www.youtube.com/watch?v=aVG57ROdRoU&NR=1&feature=endscreen

Medan det andra är?

http://www.youtube.com/watch?v=IGH2HEgWppc

Leave a Reply

Your email address will not be published. Required fields are marked *