Lumipyry

Ensten oli niin hyvä sparkkifööre, mutta sitten tihmeäkö mikäki! Ja se johtu lumesta joka alko pölyäämällä putoahmaan taihvaasta kesken kaiken. Joo, olin ulkona hakemassa kiveä rautakepillä, ja löysin sen, mutta sitte otti siis vasthaan, ko vauhtia kotia ei ollut ollenkhaan! Hm, minkhäänlaista on sitten ajjaa biiliä huomena? Pittääpä varoiksi varata vähäsen varaaikaa ko lähtee optikkerin luokse silmitten kans, ja että kerkiä kaikkia mitä meinaa.

Jännä sitten kuulla kans miten Northlandillaki mennee, että tulleeko se konkurssi, tai bildaako ne sen borgenärskommittén? Siittää möötestä on muuten ollut kumman hiljaa, ja mie uskon että sinne ei haluta niin kauhean paljon ihimstäkhään, koska salhiinkhaan ei sovikko 50 mie kuulin. Olen myös monelta kuullu tänäpäivänä että gruuvasta on nyt ajettu pois paljon tavaroita Sahavaahraan ja Sattajärhveen, ja että Mülleriki on visshiin hakenut pois omia biiliä?

Jaa, sehän viittaa konkursshiin… ja mitenkhään sitten mennee meillä maanomistajilla? Lantmäterihän on vängällä ottanut maata ja antanut luvan Northlandin putkelle, mistä ne vain on maksanut 500 kr tähän asti. Hm, hm, nyt alkaa kyllä tuntuhmaan kohta siltä että olis ihanko aasialainen maanomsitaja keltä valtio viepi kaikki ilman mithään oikeukisa.

Voi kauhea. Mitäkhään Moderatit meinaa tehä sille? On se vain kumma jos “privat ägande” on niin kehnoilla pohjilla porvaritten alla, että gruuvaboolagit voipi tulla tänne ja myndigheetitten kautta vängällä otta maata ja mannerheita ilman minkhäänlaista penniä…

http://ilmainensanakirja.fi/sanakirja_suomi-ruotsi/manner

Leave a Reply

Your email address will not be published. Required fields are marked *